23.06.2009

Boeing tilkynnti í dag að afhendingu og flugi fyrstu Dreamliner 787 þotunnar yrði frestað enn einu sinni. Icelandair hafa pantað fjórar flugvélar af þessari gerð.

Framtíð Boeing er sögð velta á afhendingu Dreamliner-þotunnar en fyrirtækið tilkynnti í dag að dagskrá vegna flugs og afhendingar yrði tilbúin eftir „nokkrar vikur“ og að í millitíðinni yrði prófunum haldið áfram.

Boeing sagði í tilkynningu að seinkun afhendingar væri til komin þar sem styrkja þyrfti hliðar á skrokki vélarinnar. Komið hefði í ljós í prófunum að þörf væri á slíkri styrkingu.

Scott Carson, forstjóri Boeing-verksmiðjanna, sagði að frekari seinkun væri rétt ákvörðun. Boeing hafði ráðgert að jómfrúarflug Dreamliner-þotunnar yrði hinn 30. júní næstkomandi og að fyrsti kaupandinn, All Nippon Airways (ANA) myndi fá sitt eintak afhent á fyrsta ársfjórðungi næsta árs...

23.06.2009

Lítil flutvél brotlenti í dag í húsagarði í norðausturhluta Spánar. Tveir menn voru í flugvélinni og létu þeir báðir lífið. Húsið skemmdist þegar flugvélin lenti á því. Engan sakaði á jörðu niðri.

Flugvélin fór frá bænum Sabadell í Katalóníu og brotlenti í bænum Sant-Pere de Vilamajor skammt frá Barcelona.

Þetta kom fram á fréttavef Morgunblaðsins í dag.

23.06.2009

Óhætt er að segja að Icelandair sé sigurvegari nýrrar Neytendaskýrslu AEA, Sambands evrópskra flugfélaga. Í skýrslunni er kynnt frammistaða ervrópskra flugfélaga á síðasta vetri í fjórum mikilvægum þjónustuflokkum fyrir neytendur, þ.e. í fullnustu fluga, í stundvísi á styttri flugleiðum, í stundvísi á lengri flugleiðum og skilvísi farangurs.

Í tilkynningu segir að Icelandair sé í fyrsta sæti í fullnustu fluga með 100% árangur, í öðru sæti í stundvísi á lengri flugleiðum, með 86,5% árangur, í þriðja sæti í stundvísi á styttri og meðallöngum flugleiðum með 90,2% árangur og í sjötta sæti í skilvísi farangurs með 7,6/1000 seinkun farangurs. Könnunin nær til fimm mánaða tímabils frá nóvember til mars.

"Þetta er mjög ánægulegur árangur og hann kemur ekki á óvart því stundvísi okkar í vetur hefur verið sú besta í sögu Icelandair", segir Birkir Hólm Guðnason, framkvæmdastjóri Icelandair. "Við vorum heppin í vetur hvað varðar utanaðkomandi þætti sem hafa mikil áhrif, eins og veður, aðra flugumferð og bilanir...